ლუდი რკონი

“რკონი” ქართულ ბაზარზე გამორჩეული ლუდსახარშია, რომელიც გერმანულ ტრადიციებსა და ნედლეულს ქართულ ხასიათს უხამებს. პროექტი მოიცავს ორ ძირითად ხაზს: კლასიკურ ბავარიულ Helles-სა და ხორბლის გაუფილტრავ Weissbier-ს.

“რკონის” ციფრული პოზიციონირება ლუდის კულტურის გარშემო ავაგეთ. სტანდარტული რეკლამის ნაცვლად, აქცენტი Content-driven განათლებაზე გადავიტანეთ: მომხმარებელს გავუზიარეთ სასმელის ისტორია, დავანახეთ წარმოების ტექნოლოგიური სირთულეები და დავამკვიდრეთ პრემიუმ პროდუქტის მოხმარების მაღალი სტანდარტი.

• აუდიტორიას გავაცანით “ლუდის სიწმინდის კანონი“ (Reinheitsgebot), ლუდის სხვადასხვა სახეობის (Helles, Weissbier, Pilsner…) უნიკალურობა და მათი შექმნის ისტორია.
• შევქმენით შემეცნებითი მასალები ლუდის ჭიქების სახეობებზე (მაგ. Willi Becher), რათა ხაზი გაგვესვა, თუ როგორ მოქმედებს სწორად შერჩეული კათხა გემოსა და არომატის აღქმაზე.
• დეტალურად წარმოვაჩინეთ ბავარიული ალაოს, სვიისა და ნატახტარის წყლის სინთეზი, რაც პროდუქტის ხარისხის გარანტიაა.

მრავალფეროვანი ვიდეო წარმოება
 

პროექტის ფარგლებში შევიმუშავეთ და განვახორციელეთ მულტიფუნქციური ვიდეო კონტენტი:
 

• ვერტიკალური ვიდეორგოლები: შევქმენით დინამიკური, ინტერაქციული ვიდეოები (ქუჩის გამოკითხვები, ქვიზები, “მითია თუ რეალობა”), რამაც მკვეთრად გაზარდა ორგანული ჩართულობა.
• სარეკლამო ვიდეო რგოლები: ვაწარმოეთ როგორც ჰორიზონტალური, ისე ვერტიკალური სარეკლამო ვიდეოები, სადაც აქცენტი გავაკეთეთ ლუდის წარმოების ესთეტიკასა და ბრენდის ისტორიულ ინსპირაციაზე – რკონის ხეობაზე.

გაყიდვების მხარდაჭერა და ლოკაციების მართვა
 

ციფრული არხების საშუალებით ვახდენდით პროდუქტის ხელმისაწვდომობის მაქსიმალურ კომუნიკაციას:
 

• პოპულარიზაციას ვუწევდით “Beer Georgia”-ს მაღაზიათა ქსელს და ისეთ პრემიუმ რესტორნებს, როგორიცაა Paulaner და Hacker-Pschorr.
• გაყიდვების პირდაპირი სტიმულირებისთვის აქტიურად ვახდენდით Wolt, Glovo და Bolt Food-ის პლატფორმების პოპულარიზაციას.

ჩვენი მუშაობის შედეგად, კომპანიამ მიიღო სრულად ფორმირებული, მაღალი ხარისხის ციფრული არქივი და პოზიციონირდა, როგორც ექსპერტი ბრენდი, რომელმაც შეძლო მომხმარებელთან ემოციური და ინტელექტუალური კავშირის დამყარება.