ხანდახან ყველაფერი იდეალურია: სრულყოფილი ვებ-დეველოპმენტი, უმაღლესი დონის UI/UX დიზაინი და პროდუქტი, რომელიც ბაზარზე მოთხოვნადია. ვებსაიტის დამზადება დასრულდა. ახლა ლიდების და ტრანზაქციებს შემოსვლის დროა, თუმცა ხედავთ, რომ ყოველ ჯერზე მომხმარებელი ბოლო წამს ჩერდება.
ისინი კითხულობენ ქოფის, ირჩევენ სასურველ პროდუქტებს, მიდიან კალათამდე, მაგრამ საბოლოო ნაბიჯის გადადგმა უჭირთ. ასე რატომ ხდება?
იმიტომ, რომ თქვენს შორის უხილავი ბარიერია. ეს ბარიერი კი შეიძლება მხოლოდ ერთი ან ორი სიტყვა იყოს, რომელიც ღილაკზე, შეცდომის შეტყობინებაში ან სარეგისტრაციო ველში ხვდებათ. თუ ეს სიტყვები დამაბნეველი, გამაღიზიანებელი ან ბუნდოვანია, თქვენ ფაქტობრივად საკუთარი ხელით აჩერებთ გაყიდვებს.
სწორედ აქ შემოდის UX Writing - ინსტრუმენტი, რომელიც სიტყვას საქმედ გარდაქმნის! და ამ საქმის შემსრულებელი, პროფესიონალი UX მწერალი, რომელიც მომხმარებლის განზრახვას უსწრაფეს კონვერსიად აქცევს. ეს თითქოს მცირე დეტალი, თქვენი ვებსაიტის გამოყენებას ამარტივებს და გაყიდვების გაზრდაში გეხმარებათ.
UX მწერალი, განსხვავებით ქოფირაითერისგან, რომელსაც შესაძლოა მოცულობითი ტექსტების წერა ევალებოდეს, მიკროტექსტებზე და ინტერფეისულ ტექსტებზე მუშაობს. მაგალითად: სათაურები, ღილაკები, ნოტიფიკაციები, მეტა-აღწერები და ა.შ.
UX Writing vs. Copywriting
ბევრი ადამიანი ამ ორ კონცეფციას ერთმანეთში ურევს. არადა, მათ სრულიად განსხვავებული მიზნები აქვთ:
