ᲠᲝᲒᲝᲠ ᲘᲥᲛᲜᲔᲑᲐ ᲕᲔᲑᲡᲐᲘᲢᲘ?

1. ᲘᲓᲔᲐ, ᲙᲕᲚᲔᲕᲐ ᲓᲐ ᲡᲢᲠᲐᲢᲔᲒᲘᲣᲚᲘ ᲓᲐᲒᲔᲒᲛᲕᲐ

ნებისმიერი წარმატებული პროექტი კითხვების დასმითა და ანალიზით იწყება. სანამ დიზაინერი ან დეველოპერი სამუშაო პროცესში ჩაერთვება, აუცილებელია ვებსაიტის მთავარი ბიზნეს–მიზანი და სამიზნე აუდიტორია განისაზღვროს.

ამ ეტაპზე დგინდება:

• რა არის პლატფორმის მთავარი ამოცანა – პროდუქციის ონლაინ გაყიდვა, კომპანიის პორტფოლიოს წარმოჩენა თუ პოტენციური კლიენტების (ლიდების) მოზიდვა?
• ვინ არის მომხმარებელი, რა მოწყობილობას იყენებს და რა ინფორმაციას ეძებს ის პირველ რიგში?
• რა ტექნიკური ფუნქციონალი დასჭირდება საიტს – ონლაინ გადახდები, ჯავშნის სისტემა, ჩატბოტი  თუ სპეციფიკური კალკულატორები?

ამ კვლევის საფუძველზე იქმნება ე.წ. "საიტის რუკა" (sitemap) და ტექნიკური დავალება, რომელიც მთელი პროექტის მთავარი გზამკვლევი ხდება.

2. ᲡᲢᲠᲣᲥᲢᲣᲠᲐ ᲓᲐ UX/UI ᲓᲘᲖᲐᲘᲜᲘ

როდესაც გეგმა უვკე მკაფიოა, იწყება მომხმარებლის გამოცდილებისა (UX) და ვიზუალური ინტერფეისის (UI) შექმნა. ამ ორი კომპონენტის სინთეზის გარეშე პროფესიონალური ვებსაიტის დამზადება შეუძლებელია.

პირველ ეტაპზე UX დიზაინერი ვებსაიტის "ჩონჩხს" – ე.წ. პროტოტიპს (Wireframe) ქმნის. ეს არის შავ–თეთრი სქემატური ნახაზი, სადაც თითოეული გვერდის იერარქია, მენიუს განლაგება და ე.წ. "მოწოდების ღილაკების" (Call-to-Action) პოზიცია განისაზღვრება. ამ ეტაპის მთავარი მიზანი ნავიგაციის მაქსიმალური გამარტივებაა – ვიზიტორმა სასურველ ინფორმაციას ზედმეტი ძალისხმევის გარეშე, რამდენიმე წამში უნდა მიაგნოს.

პროტოტიპის დამტკიცების შემდეგ საქმეში UI დიზაინერი ერთვება. ის სქემატურ სტრუქტურას ბრენდის იდენტობას არგებს – არჩევს ფერთა პალიტრას, შრიფტებს (ტიპოგრაფიას), ღილაკების სტილსა და ვიზუალურ ეფექტებს. სწორედ ამ დროს იქმნება საიტის "რესპონსიული" დიზაინიც, რათა პლატფორმა, როგორც კომპიუტერის დიდ ეკრანზე, ისე მობილურ ტელეფონებსა და პლანშეტებზე, თანაბრად მიმზიდველი და მოსახერხებული იყოს.

3. ᲓᲔᲕᲔᲚᲝᲞᲛᲔᲜᲢᲘ – ᲓᲘᲖᲐᲘᲜᲘᲡ "ᲒᲐᲪᲝᲪᲮᲚᲔᲑᲐ"

დიზაინის დასრულების შემდეგ პროექტი პროგრამისტების გუნდთან გადადის. დეველოპმენტის ეტაპი ორ ძირითად მიმართულებად იყოფა: "Front-end" და "Back-end" პროგრამირებად:

4. ᲙᲝᲜᲢᲔᲜᲢᲘ ᲓᲐ SEO ᲝᲞᲢᲘᲛᲘᲖᲐᲪᲘᲐ

თუმცა, ამ ყველაფრის შემდეგ საუკეთესო დიზაინისა და ტექნიკური გამართულობის მქონე პლატფორმაც კი ვერ მოიტანს შედეგს, თუ მას მომხმარებელი ვერ იპოვის. ამიტომ, ვებსაიტის დამზადება აუცილებლად მოიცავს შინაარსობრივ გამართვასა და საძიებო სისტემებისთვის (SEO) საბაზისო ოპტიმიზაციასაც.

ემ ეტაპზე საიტი ივსება სტრუქტურირებული ტექსტებით, ოპტიმიზებული გამოსახულებებითა და სწორი სათაურებით. ტექნიკური SEO-ს ფარგლებში კი მოწმდება გვერდების ჩატვირთვის სისწრაფე, იწერება ე.წ. "მეტა აღწერები" და სუფთავდება კოდი, რათა Google-ის ალგორითმებმა საიტი მარტივად "წაიკითხონ" და ძიების შედეგებში ზედა პოზიციებზე განათავსონ.

5. ᲢᲔᲡᲢᲘᲠᲔᲑᲐ, ᲓᲝᲛᲔᲜᲘ ᲓᲐ ᲰᲝᲡᲢᲘᲜᲒᲘ

საბოლოოდ, სანამ ვებსაიტი გაეშვება, ის ხარისხის კონტროლს (QA ტესტირებას) გადის. დეტალურად მოწმდება თითოეული ღილაკი, საკონტაქტო ფორმა, ბმული და გადახდის პროცესი. ამ დროს სწორდება ყველა შესაძლო ტექნიკური ხარვეზი ("ბაგი") და მოწმდება უსაფრთხოების პარამეტრები.

სწორედ ამის შემდეგ დგება ფინალური ეტაპი – ვებსაიტის ინტერნეტში განთავსება. ამისათვის ორი მთავარი კომპონენტია საჭირო: დომენი (საიტის მისამართი, მაგალითად, კომპანიისსახელი.ge) და საიმედო ჰოსტინგი.

ჰოსტინგი ესაა ვირტუალური სივრცე სერვერზე, სადაც თქვენი ვებსაიტის ყველა ფაილი, კოდი და მონაცემთა ბაზა ინახება. მისი ხარისხი პირდაპირ განსაზღვრავს, თუ რამდენად სწრაფად გაიხსნება ვებგვერდი, გაუძლებს თუ არა ერთდროულად შემოსული ვიზიტორების დიდ ნაკადს და რამდენად დაცული იქნება კიბერშეტევებისგან. სწორად შერჩეული ჰოსტინგი საიტის უწყვეტ, 24/7 რეჟიმში მუშაობას უზრუნველყოფს, რაც როგორც მომხმარებლის კმაყოფილებისთვის, ისე SEO რეიტინგისთვისაც გადამწყვეტი ფაქტორია. (მეტი ინფორმაციისთვის გაეცანით ჩვენს ბლოგს "რა უნდა იცოდეთ ვებ ჰოსტინგის არჩევისას?")